Во Собранието денеска ќе заседаваат Законодавно-правната и комисиите за труд и социјална политика и за транспорт, врски и екологија.
Законодавно-правната комисија ќе одржи две седници. На едната ќе расправа по Предлог-законот за електронско управување и електронски услуги, а на другата по Предлог-законот за извршување на санкциите.
Предлог-законот за електронско управување и електронски услуги е на дневен ред и на Комисијата за транспорт, врски и екологија, додека пред Комисијата за труд се Предлог-законот за изменување и дополнување на Законот за Црвениот крст на Република Македонија, Предлог-законот за изменување и дополнување на Законот за работните односи и Предлог-законот за спречување и заштита од дискриминација.