Во Собранието на Република Мкаедонија денеска седници ќе одржат комисиите за еднакви можности на жените и мажите, за политички систем и односи меѓу заедниците и за образование, наука и спорт.
На дневен ред на Комисијата за еднакви можности на жените и мажите е Одбележување на 10-годишнина од донесувањето на Законот за еднакви можности на жените и мажите.
Членовите на Комисијата за политички систем и односи меѓу заедниците ќе расправаат по Предлог-закон за нотаријатот, во второ читање.
На Комисијата за образование наука и спорт треба да продолжи расправата по Предлог – законот за основање на Универзитет за национална одбрана, безбедност и мир „Дамјан Груев” во Скопје, а на дневен ред е и Предлог – законот за изменување на Законот за високото образование, двата во второ читање.
