Во Собранието на Република Македонија денеска седници ќе одржат Комисијата за економски прашања, Комисијата за здравство и Комисијата за одбрана и безбедност.
На дневен ред на Комисијата за економски прашања се Предлог-законот за градежни производи и измените на Законот за електронска трговија и на Законот за концесии и јавно – приватно партнерство, сите во второ читање.
Комисијата за здравство ќе расправа за измени на Законот за хемикалии во прво читање, а Комисијата за одбрана и безбедност ќе го разгледа Предлог-законот за дополнување на Законот за управување со кризи во второ читање.