Во Собранието на Република Македонија денеска ќе заседаваат комисиите за одбрана и безбедност, за економски прашања и Законодавно-правната комисија.
Единствена точка на Комисијата за одбрана и безбедност е Предлог – одлуката за испраќање припадник на Армијата на Република Македонија за учество во мировната операција на Обединетите Нации, УНИФИЛ во Либан.
Комисијата за економски прашања ќе расправа за Предлог-законот за дополнување на Законот за техничка инспекција и за измените и дополнувањата на Законот за Државен пазарен инспекторат, двата во второ читање.
На дневен ред на Законодавно – правната комисија се измените и дополнувањата на Законот за лична карта и на Законот за пријавување на живеалиштето и престојувалиштето на граѓаните, како и Предлог-законот за дополнување на Законот за техничка инспекција, сите во второ читање.
