Три собраниски комисии денеска ќе имаат седници на кои на дневен ред се предлог-закони во второ читање.
Комисијата за економски прашања ќе расправа за Предлог-закон за изменување и дополнување на Законот за контрола на извоз на стоки и технологии со двојна употреба и за Предлог-закон за дополнување на Законот за угостителска дејност, во второ читање.
Комиисјата за политички систем и односи меѓу заедниците има четири точки на дневниот ред: Предлог-закон за изменување и дополнување на Законот за административни службеници, Предлог-закон за изменување и дополнување на Законот за вработените во јавниот сектор, Предлог-закон за одредување на видот и одмерување на висината на казната и Предлог-закон за изменување и дополнување на Кривичниот законик, сите во второ читање.
И Законодавно-правната комисија има повеќе предлог-закони во второ читање: за изменување и дополнување на Законот за Централен регистар, за забрана и спречување на вршење на нерегистрирана дејност, за изменување и дополнување на Законот за административни службеници, за изменување и дополнување на Законот за вработените во јавниот сектор, за одредување на видот и одмерување на висината на казната, за изменување и дополнување на Кривичниот законик, за дополнување на Законот за угостителска дејност, за изменување и дополнување на Законот за контрола на извоз на стоки и технологии со двојна употреба.
