Во Собранието на Република Македонија за денеска се најавени седници на комисиите за одбрана и безбедност и за надворешна политика.
На дневен ред на Комисијата за одбрана и безбедност се предлог – законите за дополнување на законите за безбедност на сообраќајот на патиштата и за одбрана, во прво, односно во второ читање.
Членовите на Комисијата за надворешна политика, пак, треба да расправаат за Предлог – законот за ратификација на Договорот меѓу Владата на Република Македонија и Владата на Република Косово за поттикнување и взаемна заштита на инвестиции.