Седници на шест собраниски комисии

Од:

Во Собранието на Република Македонија денеска седници ќе одржат шест собраниски комисии при што Комисијата за прашања на изборите и именувањата и Законодавно-правната комисија ќе одржаат по две седници.

На дневниот ред на Комисијата за прашања на изборите и именувањата се повеќе точки за утврдување одлуки за измена на веќе постоечки одлуки за избор на претседатели и членови на собраниски тела, делегаци и институции меѓу кои и за разрешување и именување на претседател и членови на Одборот за доделување на Државната награда 23 Октомври и за избор на главен државен ревизор.

Комисијата за деловнички и мандатно-имунитетни прашања ќе расправа за правилата за водење на постапката за утврдување на сторени лесни и тешки повреди и изрекување на мерки утврдени во Kодексот за етичко однесување на пратениците во Собранието на Република Македонија, како и за утврдување на образец за пријава на дар за пратениците.

Собраниската Комисија за европски прашања ќе ги разгледа Извештајот на Европската комисија за 2019 година и дел од Стратегијата за проширување кој се однесува на Република Северна Македонија, како и
Предлог законот за попис на населението, домаќинствата и становите во Република Северна Македонија, 2020 година, во прво читање и Предлог законот за јавните набавки во областа на одбраната и безбедноста, во второ читање.

Членовите на Комисијата за образование, наука и спорт ќе дебатираат за предлог законите за Основно образование и за Наставниците и стручните соработници во основните и средните училишта, двата во прво читање.

Собраниската Комисија за одбрана и безбедност, пак, ќе расправа за Предлог одлуката за испраќање на припадници на Армијата на Република Северна Македонија за учество во мировната операција „Одлучна поддршка“ во Исламската Република Авганистан.

На седниците на Законодавно-правната комисија ќе се разгледаат Барањето за давање на автентично толкување на член 21 став 1 точка 4), а во врска со член 20 од Законот за данок на добивка („Службен весник на Република Македонија” број 112/14, 129/15, 23/16 и 248/18), поднесено од пратеникот Енес Ибрахим, предлог законите за Основно образование и за Наставниците и стручните соработници во основните и средните училишта, Предлог одлуката за испраќање на припадници на Армијата на Република Северна Македонија за учество во мировната операција „Одлучна поддршка“ во Исламската Република Авганистан и Предлог законот за јавните набавки во областа на одбраната и безбедноста, во второ читање.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови