Во Собранието на Република Македонија денеска седници ќе одржат комисиите за надзор над работата на Управата за безбедност и контраразузнавање и на Агенцијата за разузнавање, за труд и социјална политика, за образование, наука и спорт, за култура и за економски прашања.
Предлог деловникот за работа на Комисијата за надзор над работата на Управата за безбедност и контраразузнавање и на Агенцијата за разузнавање на Собранието на Република Македонија, е единствената точка по која ќе расправаат членовите на Комисијата за за надзор над работата на Управата за безбедност и контраразузнавање и на Агенцијата за разузнавање.
На дневниот ред на седницата на Комисија за труд и социјална политика е Предлог – законот за забрана и спречување на вршење на нерегистрирана дејност, во прво читање.
Статутарната одлука за изменување и дополнување на Статутот на Универзитетот „Св. Килимент Охридски“- Битола ( I фаза ) е на агендата на седницата на Комисија за образование, наука и спорт.
Членовите на Комисија за култура ќе дискутираат по Предлог – закон за издавачката дејност, во прво читање, Предлог-закон за изменување и дополнување на Законот за заштита на културното наследство, во прво читање и по Предлог-програма за одбележување на јубилејни годишнини на значајни настани и истакнати личности во Република Македонија за 2015 година.
Комисија за економски прашања на денешната седница ќе расправа по Предлог-закон за изменување и дополнување на Законот за контрола на извоз на стоки и технологии со двојна употреба, во прво читање и по Предлог-законот за дополнување на Законот за угостителска дејност, во прво читање.