Продолжението на 15. седница во Собранието каде точка на дневен ред е законот за јазици започна со жестока расправија помеѓу пратениците од ВМРО-ДПМНЕ и СДСМ.
Пратеничката од редовите на опозициската ВМРО-ДПМНЕ, Ане Лашкоска од собраниската говорница изјави дека законот е против уставен и дека власта воопшто не го зема во предвид мислењето на граѓаните.
– Вие од СДСМ сметате дека со резултатите од локалните избори можете да правите што сакате. Јасно е зошто овој закон го криете под превезот на европското знаменце, рече Лашкоска.
Пратеничката од СДСМ, Жаклина Лазаревска на оваа изјава возрвати со реплика во која кажа Законот за јазиците е Уставен и дека е важно да се донесе бидејќи тоа остана единствен дел од Рамковниот договор кој не е реализиран.
– Граѓаните на избори кажаа што мислат за овој Закон. Доколку биде донесен овој Закон, македонскиот јазик нема да биде загрозен, рече Лазаревска.
Виктор Јованов