Собраниската Комисија за прашања на изборите и именувањата денеска на седница ќе расправа по Предлог-одлуката за избор на претседатели, заменици на претседателите, членови и нивни заменици на комисиите на Собранието на Република Македонија.
На дневниот ред на седницата е и утврдување на предлог-одлуките за разрешување и именување на член на Одборот за доделување на државната награда „Св. Климент Охридски“ и за разрешување и именување на член на Советот за статистика на Република Македонија.
Членовите на Комисијата ќе ги разгледаат и доставените барања за остварување плата по престанок на функцијата пратеник, односно за апанажа.