Собраниската Комисија за прашања на изборите и именувањата денеска ќе одржи седница. На дневен ред е утврдувањето предлог-одлука за изменување и дополнување на Одлуката за избор на претседатели, заменици на претседателите, членови и нивни заменици на комисиите на Собранието на Република Македонија.
Пред членовите на Комисијата е и утврдувањето предлог-одлука за изменување и дополнување на Одлуката за основање пратенички групи на Собранието на Република Македонија за соработка со парламенти на други држави и избор на претседатели и членови на пратеничките групи на Собранието на Република Македонија за соработка со парламенти на други држави.