Државната изборна комисија денеска ќе одржи седница на која ќе ги разгледа одобрувањата за дополнување на барањата за добивање овластување за набљудување на Локалните избори 2017 година, поднесени од ОБСЕ Канцеларија за демократски институции и човекови права – Мисија за набљудување на избори за меѓународни набљудувачи и преведувачи и од Амбасадата на САД.
На дневен ред се и Предлог упатството за гласање во вториот изборен круг, Предлог упатството за постапување на Избирачките одбори за гласачите на кои документот за лична идентификација им истекол меѓу двата изборни круга, Предлог решението за ставање вон употреба на печати од избирачки места, како и Предлог одлуката за утврдување на обликот на печатите ставени вон употреба.