Се зголемува нивото на водата во Тиквешко Езеро, соопшти денеска директорот на Водостопанство Тиквеш од Кавадарци, Љубе Димов.
– За разлика од сушниот период кога котата на акумулацијата беше 237 метри надморска височина, сега таа е на 255.22 метри надморска височина. Макисмалната кота кога доаѓа до прелив е 265 метри надморска височина. Ако се има предвид ова, јасно е дека нема опасност од поплави и излевање на езерската вода, информираше Димов.
Тој додаде дека наводнувачката сезона во неколку општини од Тиквешијата со вода од езерото е во тек и засега нема никакви проблеми.