Автомобил во движење се запалил на автопатот Скопје – Велес во близина на Јурумлери. Повредени нема, а огнот го изгаси Противпожарната бригада на Скопје. Командантот Владимир Симоновски вели дека зачестиле опожарувањата на возила.
„Возачот сам повикал пожарна кога во движење забележал дека автомобилот се запалил. Застанал на автопатот во Скопје – Велес во близина на Јурумлери. Интервенирале четворица пожарникари со едно возило. За нас не се изненадување запалени коли. Зачестија во последниов период. Пред две години постојано гасевме контејнери, сега гасиме автомобили“, вели командантот Владимир Симоновски.
Пред два викенди, во периодот од петок до недела, скопската бригада изгасила 16 запалени автомобили. Командантот Симоновски вели дека дел автомобилите кои изгореле не биле во движење, се запалиле на местата каде што биле паркирани.