Во Гевгелија на улицата 7-ми Ноември денеска околу 15 часот и 10 минути во непосредна близина на Полициската станица запали автомобил во движење, „Пежо 206“ .
Патниците без повреди брзо го напуштиле опожареното возило, но никој во околината немал противпожарен апарат да го локализира огнот. Гевгелиските пожарникари за десетина минути стигнале на местото и со брза интервенција целосно го изгаснале возилото.
Според првичните информации причина за пожарот на возилото најверојатно е дефект на плинскиот уред кој за среќа освен причинетата материјална штета на возилото не предизвикал посериозни последици по случајните минувачи и околните објекти.