Општина Центар ги уредува неуредените јавни површини и зеленилото помеѓу колективните станбени згради на улицата Рузвелтова.
Станува збор за уредување на неуредено градежно земјиште на јавен простор, пешачки патеки, приоди до станбени згради и паркинзи меѓу зградите.
Во уредувањето е вклучено: поплочување со бехатон на површина од 2.000 метри квадратни за коловоз со тамонирање и израмнување на теренот, нови сливници, одводнување на атмосферски води и расчистување на дивото зеленило. Според динамиката на работа се предвидува и озеленување на просторот.
Во тек е исто така, уредување на неуредено градежно земјиште во Дебар маало.
