Во Гевгелија се работи на санација на шахтите на главните сообраќајници, кои поради оштетеност или пропаднатост под нивото на улиците претставуваат опасност за учесниците во сообраќајот.
Според Јавното комунално претпријатие „Комуналец“ со санацијата ќе бидат опфатени 80 шахти во централното градско подрачје и околните гевгелиски сообраќајници.
До крајот на месецот ќе бидат комплетно поправени и подигнати 60 шахти кои со тек на време пропаднале, а потоа ќе бидат санирани и останатите 20 најоштетени шахти.
Средствата во висина од околу 220.000 денари за санацијата на шахтите се обезбедени од општинскиот буџет.