Во општина Чешиново Облешево водата од поплавените подрачја се повлекува во одводните канали кои се ископани низ повеќе населени места, како и во реките. Состојбата се уште е критична со водата за пиење во населените места Облешево, Чифлик, Чешиново, Уларци и Кучичино каде што од бунарите и помпите водата е забранета за пиење, додека населението се снабдува со флаширана вода и вода од цистерни.
– Патниот правец Видовиште – Теранци е оспособен за сообраќај, а патот од Облешево кон Теранци поради попуштање на асфалтот од коловозната лента се одвива на една лента. Механизацијата на Дирекцијата за заштита и спасување ги исчисти каналите во Облешево и водата истекува по нив кон Кочанска река, изјави Костадин Личков, градоначалник на општина Чешиново Облешево.
Мостот на река Брегалница што ја поврзува општината Зрновци со Кочани за минување го употребуваат само пешаци. За сообраќај на моторни возила е забранет. Според
Патниот правец од Истибања до браната Калиманци од патниот правец Кочани-Македонска Каменица поради одрони, се уште е забранет за сообраќај и возилата поминуваат низ населеното место Бигла кон Делчево.
Во Кочанскиот регион од изутринава врне дожд, но не со голем интензитет. Општинските кризни штабови на Кочани, Зрновци и Чешиново Облешево ја следат состојбата и се подготвени за евентуално дејствување.