Екипите на Јавното претпријатие „Улици и патишта“ го санираа коритото на реката Вардар, на левата косина, во близина на мостот „Тодор Александров“.
Град Скопје соопшти дека за санација на минор коритото на реката Вардар биле вградени околу 20 кубни метри камен измешан со речен песок и земјен материјал, подредени за стабилизација на косините на коритото.
Според планот за работа, за да се подобри функцијата и за да се разубави кејот на Вардар, напролет Град Скопје планира коритото на реката да го дооформи со бетонирање на предниот дел, а во горниот дел да се уреди тревната површина.
Косината на коритото на Вардар, како што соопшти Град Скопје, било оштетено од несовесни граѓани кои го украле камениот материјал, а со обилните врнежи од дожд изминативе денови косината дополнително се оштети.
