Булеварот „Партизански одреди“ на потегот од раскрсницата со улицата Франклин Рузвелт до раскрсницата со булеварот „8 Септември“ ќе се реконструира за што од буџетот на Град Скопје ќе бидат инвестирани околу 29,2 милиони денари.
Планирано е да се нанесат два слоја асфалт на шесте ленти во должина од околу 900 метри или околу 1.900 метри во двата правца.
Градежните работи е планирано да траат 90 дена, но, градоначалникот Трајановски се надева дека ќе завршат побрзо.
Со реконструкцијата се очекува да се зголеми безбедноста на сообраќајот. Надлежните апелираат до учесниците во сообраќајот да се придржуваат до времено поставениот режим на сообраќај.
На реконструкцијата на бул. Партизански одреди ќе работат екипи на градежната компанија „Бауер БГ“.