Две лица се повредени кога се преврте тракторот во кој се превезувале во скопски Сарај. Според полицијата, вчера во 18.30 часот на улицата 1 во село Сарај, Скопско, трактор со скопски регистарски ознаки, управуван од Ј. С. (25) од истото село, изгубил контрола и се превртел.
Притоа возачот Ј. С. добил тешки телесни повреди, а 15-годишен сопатник од село Грчец добил телесни повреди. Тие биле пренесени во Градската општа болница „8 Септември“, каде што им била укажана лекарска помош. Увид на местото извршила екипа од СВР Скопје.