Се прелеа Тиквешкото Езеро, втората по големина вештачка акумулација во државата. Во моментов преку преливната шахта на езерото се прелеваат девет метри кубни вода во секунда.
– Иако акумулацијата Тиквешко Езеро се празни преку производството на електрична енергија во хидроцентралата „Тиквеш“, големата количина на вода која преку сливот на реката Црна доаѓа во акумулацијата во моментов не може да се преработи и се прелева, информира Илија Темелковски, технички директор во Водостопанство „Тиквеш“-Кавадарци.
Според Темелковски, поради високото ниво на водата во реката Црна можно е да дојде до поплавување на неколку хектари земјоделска површина од двете страни на реката.