Во селото Ново Коњарево, во Општина Ново Село се гради нова канализација за фекални отпадни води во вкупна должина од 10,3 километри.
Како што истакна градоначалникот на Ново Село Блажо Велков, со изградбата на овој систем ќе се подобри урбаното живеење во ова погранично село.
– Овој канализациски систем е дизајниран за прибирање на водите најпрво од улиците и одведување преку главниот колекторски систем до таложникот и третманот на фекалните води. За изградбата на фекалната канализација се веќе обезбедени 25 милиони денари од Европската Инвестициона Банка, преку Министерството за транспорт и врски, нагласи Велков.
Според предвидувањата, канализациониот систем во Ново Коњарево ќе биде готов до крајот на годинава.
