Зимската служба на Град Скопје интензивно работи на расчистување на градските улици и булевар со користење комбинирани методи за чистење на снегот, бидејќи поради ниските температури индустриската сол има ефект со – 6 степени целзиусови, информира Град Скопје.
Изминативе неколку часа, велат од Град Скопје, екипите на Зимската служба го чистат снегот со возила со плуг.
Градот Скопје им препорачува на возачите да возат внимателно и да се придржуваат на условите на коловозите и потенцира дека индустриската сол има ефект до – 6 степени целзиусови поради што е можно појавување на голомразица.
– Паралално со коловозот, екипи од јавните претпријатија на Градот Скопје работат на расчистување на снегот и мразот од тротоарите и јавните површини, велат од Град Скопје.
