Со нормализирањето на временските прилики и претходно извршениот увид на теренот и засекување на нерамнините, денеска во Гевгелија почна асфалтирањето на ударните дупки по градските сообраќајници.
Акцијата почна со пополнување на дупките на булеварот „Гевгелија“ на влезот во градот како и на другите влезни сообраќајници во Гевгелија, а според најавите од надлежната општинска служба деновиве ќе ги опфати сите улици во градот чија што санација е неопходна по обилните врнежи.
Акцијата се спроведува согласно годишната програма за изградба, одржување и реконструкција на општинската патна мрежа, а паралелно со неа ќе почне и акцијата за обновување на хоризонталната сигнализација на улиците, особено на пешачките премини и паркинзите.