СДСМ реагира на прес конференциите на ВМРО-ДПМНЕ која според опозицијата „ се повикува на монтирани конструкции на криминалци подготвени за лична корист не само да лажат, туку и да си ја продадат и родената мајка“.
„Но, тоа се нивните познати методи на лажење и манипулирање со јавноста. Еве им конкретен предлог! Нека излезат гласноговорниците на ВМРО ДПМНЕ, кои многу сакаат да говорат за шверц, да одржат прес конференција на „Ленинова“, на „Аминта III“ или пред локалот „Сушико“ каде „фамилијата“, не ретко ужива во плодовите на своето криминално работење.
И кога сме веќе таму, нека објаснат, за која цел во 2007 година МВР му даде благодарница за добра соработка на Бајруш Сејдиу? Или пак, нека објаснат, како покрај информациите на Царина и УЈП во Македонија влегле илјадници покер апарати и со години функционирале нелегални казина“, пишува во соопштението на СДСМ.