За СДСМ реакциите на ВМРО-ДПМНЕ го покажуваат стравот, паниката и раздорот во редовите на ДПМНЕ, од изборот на Хари Локвенец за кандидат градоначалник на Прилеп.
„Едно е јасно, во 8 години со Марјан Ристески на чело на Општина Прилеп, не е отворен ниту еден нов погон, фабрика или капацитет, невработеноста и сиромаштијата достигнаа рекордно ниво, прилепчани живеат бедно и мизерно како никогаш досега, младите го напуштаат градот“, велат од СДСМ
Валентин Божиноски го праша координаторот на ВМРО-ДПМНЕ Никола Димески:
-Што се крие зад изборот на двајца подпретседатели што за прв пат се случува во вашиот општински комитет,
-Дали новиот бран во ДПМНЕ е бившиот и неуспешен пратеник Панче Дамески, или пак несудениот координатор на вашиот општински комитет и бивши член на СДСМ – Пеце Ристески.
-Дали нов бран во ДПМНЕ, млад и свеж кадар претставува-Бошко Талески ?
-Дали се ова лицата кои треба да покријат вашата лична неспособност да раководите со партијата ?
-Или пак, со вакви ново измислени функции, само се обидувате да ги смирите фракциите и кадрите, за кои и самите знаете дека не уживаат никаква подршка кај вашето членство.
„Господа од ДПМНЕ, прилепчани се веќе убедени дека на чело на Општината доаѓа нова, млада и силна гарнитура на чело со Хари Локвенец, која ќе се избори за економски силен и просперитетен Прилеп“, вели Божиноски.