Поради погрешните политики на власта на Никола Груевски и ВМРО-ДПМНЕ младите заминуваат во странство со билет во еден правец. Поразителен е фактот дека 250 илјади млади лица се иселиле од Македонија, велат од СДСМ.
Како може ВМРО-ДПМНЕ да изразува задоволство за некакви позитивни резултати за невработеноста на младите со вакви поразителни бројки?
Субвенционираната мерка за која говори ВМРО-ДПМНЕ трае само 2 години, а ефектите се незначителни. Тоа значи дека со овој проект ни приближно нема да се реши проблемот со огромната невработеност кај младите.
Дополнително, власта не кажа ниту збор кои се гаранциите дека работодавачите ќе ги задржат младите до 29 години на своите работни места и по периодот од 12 месеци, по завршување на субвенционирано вработување?