Коалицијата „Сојузот за иднината“, предводена од СДСМ вечерва ќе одржи митинг во Бутел и Аеродром.
Планирани се и помали средби во Чучер Сандево, Чаир и Шуто Оризари.
Митингот во Бутел ќе започне во 19 часот, а средбата со граѓаните во Аеродром е планирана за во 20 часот.
И на двата настани ќе се обрати врвот на СДСМ и коалицијата Сојузот на иднината, предводени од лидерот Бранко Црвенковски.
Од друга страна владејачката коалиција „За подобра Македонија“, предводена од ВМРО-ДПМНЕ ќе одржи митинг во Свети Николе и Штип.
Митингот на ВМРО-ДПМНЕ во Свети Николе е планиран да започне во 18 часот, а во Штип околу 21 часот.
Претставници на партиите ќе ги посетат Лозово, Карбинци, Василево и Конче.
ДПА ќе одржи средба со жителите во Слатино, општина Теарце и општина Боговиње, а ДУИ во 18 часот има закажано митинг во Дебар.
Елена Георгиевска