СДСМ со писмено соопштение реагира на изјавата на Јован Јаулески од ВМРО-ДПМНЕ.
„ВМРО-ДПМНЕ, партијата што го урниса образованието и им нанесе огромни штети на студентите, денес покажува лицемерие и лажна грижа за студентите.
Со неодговорното и коруптивно владеење, ВМРО-ДПМНЕ ги понижуваше студентите, професорите и универзитите и системски го уништуваше образованието. Токму затоа, студентите беа првите кои му се спротивставија на режимот на ВМРО-ДПМНЕ.
Денешните паушални обвинувања од страна на ВМРО-ДПМНЕ и нивниот подмладок се само очајнички обид да се прикријат штетите што оваа партија и ги нанесе на Република Македонија и нејзините граѓани. Според официјалните информации, претходната влада предводена од ВМРО-ДПМНЕ во 2015 година не издвоила ниту еден денар за изградба на нова зграда на ФИНКИ иако во Буџетот биле предвидени 96 милиони денари, а во 2016 година, првично предвидените 250 милиони денари биле скратени на 99 милиони. Предвидените средства за 2017 се многу повеќе од она што било спроведено во 2015 и 2016 година.
Наместо да изнесува неосновани обвинувања со кои сака да им се додовори на студентите, младината на ВМРО-ДПМНЕ треба да бара одговорност од поранешните владини функционери од ВМРО-ДПМНЕ за сето она што им го направија на учениците, студентите и наставниците.
СДСМ преку Владата што ја предводи продолжува на санирање на штетите, сервисирање на натрупаните долгови од ВМРО-ДПМНЕ и создавање на здрава основа за реформи што носат квалитет во образованието“ се вели во реакцијата на СДСМ.