ВМРО-ДПМНЕ преку својот портал Курир панично и уплашено реагира на видео-обраќањето на претседателот Зоран Заев по повод почетокот на школската година. За ВМРО-ДПМНЕ, пораката на Заев наставниците да имаат пристојни услови за работа и достоинствени плати, а родителите да ги поддржуваат своите деца е „скандалозна или луда“, наведуваат од СДСМ.
Како што можеме да прочитаме од нивниот портал Курир, за партијата на Никола Груевски, скандалозно е и кога некој посакува идните генерации да размислуваат со своја глава и гласно, да се борат за своите права и за подобро утре.
За ВМРО-ДПМНЕ и за Груевски нормално е младите да бидат заклучувани во своите училишта и да бидат заплашувани од директорите. За СДСМ тоа е и лудо и скандалозно. За среќа, тоа наскоро ќе биде минато, па и учениците и родителите и наставниците и професорите ќе може да учат, предаваат, творат и создаваат во слобода, наведуваат од СДСМ.