ВМРО-ДПМНЕ нема никаков кредибилитет да зборува за здравство. Цели 11 години, опозицијата здравството го искористуваше за местење на тендери, добивање на дебели провизии и лични богатења,реагира СДСМ на прес-конференциата на Димче Арсовски од ВМРО-ДПМНЕ.
„Поради игнорантскиот однос кон здравствените работници, пациентите и условите во болниците, ВМРО-ДПМНЕ остави тотален хаос во здравтствениот систем. Втор ден, иста лага од симболот за лажни вести – белиот дворец на ВМРО-ДПМНЕ. Јавното обвинителство за гонење на организиран криминал официјално потврди дека сите јавни набавки на Министерството за здравство се кристално чисти и законски.
Наместо да шири лаги и дезинформации, ВМРО-ДПМНЕ да се информира дека не станува збор за процес на стерилизација, туку за долгорочно инвестирање и осовремување преку пат на приватно јавно партнерство. Приватно јавното партнерство обезбедува спој на инфраструктура, искуство и финансиски можности.
ВМРО-ДПМНЕ наместо да шири лаги проблемите за своите неуспеси да ги побара кај нивната деструктивна политика, последица на груевистичката матрица која цели 11 години ги уназадуваше, осиромашуваше и иселуваше граѓаните.
Лицемерието на ВМРО-ДПМНЕ е провидно, граѓаните и јавноста се свесни дека опозицијата е очајна и нуди само лаги и непроверени информации.“, се наведува во реакцијата на партијата.