СДСМ со писмено соопштение реагира на прес конференцијата на Крсто Мукоски од ВМРО-ДПМНЕ.
„Расте нервозата кај Никола Груевски и раководството на ВМРО-ДПМНЕ бидејќи доаѓа време на правда, кога ќе треба да се одговара за направените криминали и злоупотреби.
Блокадата на Собранието е последниот обид за спас на криминалните бизниси на Фамилијата, фирмите кои се блиски до Мијалков и неговите нафтени платформи.
Опозициската ВМРО-ДПМНЕ нема право да ги кочи демократските процеси коишто ги избра огромното мнозинство од 700 илјади граѓани и коишто ќе се случат.
Ќе има нов претседател на Собранието и нова реформска Влада на граѓаните на Р.Македонија, согласно Деловникот на Собранието, Уставот и законите на Република Македонија“ се вели во соопштението на СДСМ.