СДСМ во реакција на денешната прес-конференција на ВМРО-ДПМНЕ наведува дека се согласува со ставот на владејачката партија оти „законот мора да важи за сите, без разлика дали се во една, друга или трета партија, дали се на функција или не“.
– Зоран Заев јасно и гласно кажа дека нема ништо спротивно на Законот во тендерските постапки во Општина Струмица, ниту пак ВМРО-ДПМНЕ ќе успее да открие нешто незаконско колку и да се обидува. Станува комично партијата покажува толкава немоќ системски да открие некаков криминал на Заеви, па се обидува со очајни прес-конференции да и се додворува на јавноста, наведува во реакцијата СДСМ.