Апелираме власта на ВМРО-ДПМНЕ итно да го спречи хаосот во училиштата во Крива Паланка. Tри дена по почетокот од учебната година првачињата од ОУ “Јоаким Крчовски” се соочуваат со вистинска голгота, велат од СДСМ.
Без образложение се прави прераспределба на учениците во различни паралелки и кај различни класни раководители. Децата се во солзи од стресот, родителите нервозно прашуваат што се случува, а наставниците креваат раменици, додаваат оттаму.
Која е причината за прераспределбите во последен момент?
Бараме одговори и одговорност од директорот на училиштето. Ги повикуваме надлежните веднаш да го решат овој случај со што ќе се спречат дополнителни трауми на првачињата и другите ученици, нивните родители и на наставниците со коишто стартуваше училишната година, се вели во реакцијата.