„Власта продолжува со безмилосното нагрдување на центарот на Скопје, со предлогот за нова, 40 метри висока административна зграда на Народната банка на плоштадот „Македонија“.Самоволието е одлика на оваа ненародна власт. Скопје е веќе се, само не е Град за кој сите сонувавме. Се претвори во кошмар, благодарение на семејството кое го води Градот и државата“, реагира СДСМ.
„Сега ќе никне нов објект во висина на зградите на „фамилијата“, за кои ги сменија сите детални урбанистички планови во општина Центар, меѓу кои и семејната куќа на Владимир Здравев, заклучно и Генералниот урбанистички план кој се уште е во нацрт.Со подигнувањето на десеткатница на единствениот останат отворен простор, скопјани ќе го изгубат централниот плоштад. Невкусот што го покажува власта во овој проект е доказ за нивната алчност и расипништво“, изјави Александар Наумовски.
СДСМ ја повикува Владата веднаш да ги запре сите планови за нови градби во центарот на Скопје, особено на плоштадот „Македонија“.
