„Владимир „дил ориентед“ Пешевски е најслепиот извршител на сите коруптивни зделки по нарачка на Груевски. Тој извршува и повеќе од предвиденото. 102,5% секоја луда замисла на Груевски е реализирана директно од „дил оринтед“ талентираниот Пешевски.
Груевски и „дил ориентед“ друштвото единствено нешто што реализираа успешно, се договорените проценти и провизии што легнаа во нивниот џеб.
Во проектот Вистината за Македонија слушнавме како Пешевски директно учествува во најголемиот корупциски скандал досега, договарајќи проценти за милионски провизии коишто се директно за Груевски и фамилијата на власт.
Со заминувањето на оваа власт, Владимир „дил ориентед“ Пешевски ќе биде запаметен како вицепремиер којшто првпат во историјата на Македонија посегна физички да се пресмета со новинар.
Ваквите дил ориентед политики оставија над 500 000 граѓани да живеат под прагот на сиромаштија.
Но, затоа провизиите, процентите, криминалите, дил ориентед талентите, бизнисите на неговата сопруга и профитите на Пешевски ќе вртат милиони евра за да ги задоволат апетитите на Груевски и фамилијата додека 180.000 граѓани едвај преживуваат со по 40 денари на ден“, велат од СДСМ.