СДСМ: Владата води суштинска, а не фасадна политика

Од:

СДСМ со писмено соопштение реагира на прес-конференцијата на Христијан Делев од ВМРО-ДПМНЕ.

„ВМРО-ДПМНЕ и осомничениот Христијан Делев не можат да се помират со фактот што новата Влада предводена од СДСМ реши низа проблеми што ВМРО-ДПМНЕ и Никола Груевски со години ги игнорираа и што работата на Владата и парламентарното мнозинство од ден на ден добиваат се поголема поддршка од граѓаните.

За неполни сто дена, реформската и отворена Влада предводена од СДСМ, сериозно се зафати со решавање на проблемите и на унапредување на квалитетот на живот на сите категории граѓани. Преку одговорно работење и преку кратење на непродуктивните трошоци, се ослободија средства за спроведување на зацртаните мерки во интерес на граѓаните.

Трајно се решава проблемот на околу 3000 стечајци кои ќе добиваат месечен надоместок од 7596 денари. Минималната плата се покачува на 12 000 денари за сите работници, вклучително и на оние кои се вработени во текстилната, кожарската и индустријата за обувки. Обезбедени се дополнителни 10 милиони евра за помош на земјоделците и 60 милиони денари за поддршка и на туристичките капацитети во Република Македонија и за годишен одмор за најслабо платените работници. Од први октомври сите граѓани повторно ќе можат да користат евтина дневна тарифа на струјата секој ден по два часа. Истовремено, со реален пристап и со раздолжувања и задолжувања со многу помала каматна стапка намален е јавниот долг што ВМРО-ДПМНЕ го остави зад себе.

Ова се само дел реформите што парламентарното мнозинство и Владата предводена од СДСМ ги спроведоа за краток рок. Владата предводена од СДСМ е влада од збор и води суштинска, а не фасадна политика. По победата на локалните избори, таквиот одговорен пристап ќе се преслика и на локално ниво, а општините ќе добијат нова локална власт предводена од СДСМ која ќе го унапредува квалитетот на живот и на локално ниво“ се вели во соопштението на СДСМ.

Би можело да ве интересира

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски