Успешните економски мерки и политики на СДСМ даваат резултати, кои ги чувствуваат сите граѓани. Стапката на инфлација во декември 2023 година се спушти на 3,6%. Инфлацијата е намалена за околу пет пати во однос на декември 2022 година, кога изнесуваше високи 18,7%. СДСМ го заштити стандардот на граѓаните, со креирање и реализација на мерки како одговор на високите стапки на инфлација предизвикани од економската и енергетската криза, велат од СДСМ.
– Истовремено, со постигнување на ниска и стабилна инфлација, економските мерки поттикнаа раст на платите. Просечната плата се искачи на највисока вредност досега од речиси 39.000 денари. Со СДСМ ќе продолжат да растат платите и пензиите, како и куповната моќ на граѓаните. СДСМ продолжува со мерки и политики за намалување на инфлацијата и заштита на животниот стандард на граѓаните – тврдат од партијата.