Не е ли непотизам и судир на интереси назначувањето на првите братучеди и кумот на премиерот Груевски за контролори на севкупниот општествен и стопански живот во Македонија, преседан незабележан во поновата политичка историја на Европа, прашува СДСМ, како реакција на прес конференцијата на министерот за труд и социјала, Диме Спасов.
„Дали Сашо Мијалков, братучедот на Никола Груевски се стекнал со фантастични една милијарда евра? Како Гордана Јанкулоска, Влатко Ѓорчев и други високи функционери на ВМРО ДПМНЕ, се збогатиле од чиновнички плати? Дали Груевски, Мијалков и Ставрески се мозокот на операцијата во којашто, во последниве 7 години, се одлеани повеќе од 3,5 милијарди евра пари на граѓаните во непознат правец и во приватни џебови“, се наведува во соопштнието.
Од СДСМ уште еднаш потсетија дека партискиот лидер, Зоран Заев, на темата чест и морал, е подготвен на директно телевизиско соочување со Никола Груевски, „кога премиерот ќе собере храброст за ваков јавен настап“.