СДСМ: Тошковски да излезе и да ја каже вистината за бегството на Артан Груби

Од:

СДСМ денеска го повикаа министерот за внатрешни работи Панче Тошковски да излезе и да ја каже вистината за бегството на Артан Груби, кој се бара со меѓународна потерница за проневера на 8 милиони евра во Државна лотарија. Во спротивно, како што посочуваат, тоа ќе го направи СДСМ.

-Тошковски два дена молчи и се крие од јавноста за скандалозните пропусти кои личат на организирано пуштање на Груби. Ова е скандал од огромни размери а информациите кои стигаат до СДСМ секој ден се се позагрижувачки, велат од СДСМ.

Oттаму нагласуваат дека доколку Тошковски не излезе во рок од 24 часа да ја каже вистината за случајот, тогаш СДСМ ќе го открие скандалот во целост.

-Време е Тошковски да престане да се крие и да одговара за целиот настан. СДСМ отворено се сомнева дека бегството на Груби не е никаков пропуст, туку станува збор за добро оранизирана работа од страна на ВМРО-ДПМНЕ и ДУИ со Тошковски на чело да се пушти Груби да избега, стои во соопштението до медиумите на СДСМ.

Портпаролката на СДСМ Богданка Кузеска денеска на прес-конференција обвини дека човекот кој го има пропуштено поранешниот вицепремиер Груби „е личен избор на министерот за внатрешни работи Панче Тошковски за таа позиција“. Според неа, полицијата не си ја завршила работата, бидејќи потфрлила контролата на Блаце поставена кај кружниот тек три дена пред бегството.

Би можело да ве интересира

Филипче: „Или си СДСМ или не си“

(ВИДЕО) Филипче: Алармантно, буџетската дупка ќе биде 1,4 милијарди евра на крајот на годината

Горан Наумовски

(ВИДЕО) Кусакатска: Митески нека одговори, каде се ветените 100.000 квадратни метри ново зеленило во Аеродром?

Ливриниќ на средби со жителите на населбата Ферид Бајрам – најавени нови инфраструктурни и комунални инвестиции

Филипче: Битола четири години е запустена, време е за промена со Куновски и тимот на СДСМ

Филипче од Битола: Оваа власт не ги решава проблемите на луѓето туку ги игнорира