СДСМ од Битола кажаа дека сите граѓани на Битола се згрозени од изјавата на градоначалникот Владимир Талевски и побараа јавно да се извини на лицето кое по службена должност вработено во МВР, било на протестниот собир.
„Во политиката треба да се има минимум достоинство, има поважни работи во животот, од функцијата и кој ќе победи на избори.
Повторно, во својот препознатлив стил, во немоќ и тотална безидејност, и во обид да ја навреди опозицијата, крајно нечовечки, неетички и без никакво достоинство, искористи една човечка судбина и несреќа, за да собери бесмислени политички поени.
Истовремено, го повикуваме Полицискиот синдикат и организацијата за заштита на правата на пациентите, да ја осудат изјавата на Талески, а ВМРО- ДПМНЕ како демократска партија, да се огради од оваа негова постапка“, рече Оливер Николовски, портпарол на СДСМ во Битола.