На Денот на сесловенските браќа, просветителите Свети Кирил и Методиј, гордост е да се истакнат политиките на СДСМ за зачувување, унапредување и афирмација на македонскиот јазик како темел на македонскиот иденитет. Македонскиот јазик денеска е признат во целиот свет, потврден во личната карта на нашата татковина во Обединетите нации рече денеска на прес конференција пратеничката на СДСМ Бисера Костадинова Стојчевска.
„Пред 2 години, токму Владата предводена од СДСМ, 5 мај го прогласи за Ден на македонскиот јазик. Во чест на 5 мај 1945 година кога е усвоена азбуката на македонскиот јазик како официјално писмо. Годинава, токму на 5 мај беше промовиран и дигитален толковен речник на македонскиот јазик со над 100 илјади зборови. Јазичното богатство е уште едно сведоштво за различноста и посебноста на македонскиот јазик во словенскиот свет, и за неговата автентичност во светската листа јазици. Донесен е и нов Закон за употреба на македонскиот јазик, кој опфаќа негова заштита, унапредување и збогатување“ – вели Костадинова Стојчевска.