Фактичката состојба со фантомските гласачи во Избирачкиот список е премногу сериозна и алармантна за да се брани со политички памфлети, наведува СДСМ во писмената реакција на денешната партиска прес-конференција на Илија Димовски од ВМРО-ДПМНЕ.
Ја повикуваат министерката за внатрешни работи како одговорна за Избирачкиот список да излезе и јавно да соопшти, како што наведуваат, од каде осамнаа толку голем број нови гласачи од Мала Преспа – Албанија.
Димовски денеска го обвини СДСМ за груба манипулација со селективните информации за избирачкиот список и посочи дека се обидува на секаков возможен начин да си создаде алиби за неприфаќање за реалната недоверба на граѓаните кон нив.