Партискиот врв на СДСМ викендов ќе го помине во кумановско. Партиските потпретседатели, потпретседателот на Собранието и Радмила Шеќеринска ќе разговараат со граѓаните, за да ги чујат нивните маки и секојдневие, за да можат, како што велат, заеднички да ја напишат програмата.
На митингот во недела ќе биде претставен и кандидатот за градоначалник на Куманово од редовите на СДСМ.
Како што веќе одамна објави А1, Зоран Дамјановски – Циц, по трет пат ќе ја побара довербата на кумановци.
Од партијата велат, Дамјановски, за двата мандати има оставено дела и затоа, Кумановиц и овој пат ќе застанат зад него.
Наредниот викенд СДСМ се сели во прилепско, каде што ќе го промовира Хари Локвенец, како кандидат за градоначалник на Прилеп.