Со типично партиски речник на ВМРО-ДПМНЕ, со блед, неубедлив и празен говор, вечерва Сиљановска покажа дека не е ништо повеќе од продолжена рака на Мицкоски и Никола Груевски, соопшти СДСМ.
Од таму велат дека, Сиљановска е иста како Мицкоски. Не понуди ништо друго освен гола критика на се и сешто, кочење и блокирање на иднината на државата, против НАТО и ЕУ.
Сиљановска не се огради од ниту една криминална политика на Никола Груевски, не осуди ниту едно насилство, ниту една неправда од режимот со што се стави во негова директна одбрана, посочуваат од СДСМ.
Ова издание на Сиљановска е веќе видено. Граѓаните не слушнаа ниту една државна порака, ниту еден конкретен проект од нејзината програма, не слушнаа ништо за нејзината визија. Јасно е дека нејзиното делување се сведува на обиди за кочење на започнатите процеси, кочење на напредокот и нови поделби меѓу граѓаните, смета СДСМ.
Граѓаните не сакаат враќање назад, не сакаат кочење и блокирање. Граѓаните се за напредок, сигурна и стабилна иднина во НАТО и ЕУ.Затоа, на 21-ви април граѓаните ќе го изберат Стево Пендаровски за претседател, повикува СДСМ.