„Различните и сосема спротивни изјави на Иван Николов, кој денеска сведочеше во Кривичниот суд во врска со судскиот случај осмислен од режимската власт за прогон на претседателот на СДСМ, Зоран Заев, потврдуваат дека вистината се крие од јавноста.
Денешните изјави на Николов, кој во МВР се среќавал со тогашниот министер Митко Чавков, не се совпаѓаат со она што го изјавил за време на истрагата за овој случај и целосно се конфузни во однос на средбите со обвинителот, еднаш вели едно, друг пат друго.
Јасно е дека нецелосно објавената снимка намерно создаваше погрешен впечаток и оттука, објавувањето на целата снимка ќе ја покаже вистината пред граѓаните.
Никој не може да застане на патот на вистината и правдата“ се вели во соопштението на СДСМ.