СДСМ: Расипничкото ВМРО-ДПМНЕ не го разбира концептот за враќање пари кон граѓаните

Од:

Успесите на СДСМ и Зоран Заев на меѓународен и економски план се за подобар живот на граѓаните, тоа се лекции за ВМРО-ДПМНЕ и нивните криминални политики. ВМРО-ДПМНЕ нема никаков кредибилитет да зборува за економијата, реагира СДСМ на прес-конференцијата на Ане Лашкоска од ВМРО-ДПМНЕ.

„Расипничкото ВМРО-ДПМНЕ е навикнато парите да завршуваат во нивниот луксузен дворец и на оф шор фирмите во Белизе затоа не го разбираат концептот за враќање пари кон граѓаните.

По 11 години економска стагнација, осиромашување на граѓаните, меѓународна изолација, оддалечување од ЕУ и НАТО државата е крената на нозе и чекори напред.

За само 2 години од заробена држава станавме светол пример во регионот.

Парламентите на 19 членки на НАТО го ратификуваа протоколот за пристапување во Алијансата, а по најпозитивниот извештај на Европската комисија и заклучоците на Советот на министри, нашата државата годинава ќе започне преговори со ЕУ.

Економијата од негативни -1,8 проценти во времето на ВМРО-ДПМНЕ и стагнација, сега расте и се развива со добро темпо, затоа имаме раст од 4,1% на БДП.

Просечната плата се зголеми за околу 2.000 денари а пензиите за над 800 денари. Минималната плата е зголемена од 9.000 на 12.500 денари. Невработеноста е намалена на историски најниски 17,4 проценти, отворени се околу 50 илјади нови работни места.

Успесите на Зоран Заев на меѓународен и економски план математички прецизно се за подобар живот на сите граѓани, а овие лекции ВМРО-ДПМНЕ уште многу време ќе треба да ги учи. По постигнатиот успех на меѓународен план во последните две години, следуваат храбри чекори во економијата и социјалната политика и финансиите, а на чело на оваа економска иницијатива ќе биде премиерот Зоран Заев.

Премиерот Заев е фокусиран на економски резултат, уште позасилено, за подобар животен стандард на сите наши граѓани.“, се наведува во реакцијата на партијата.

Би можело да ве интересира

(ВИДЕО) Царовска: Недела неработен ден и плаќање по час се новите предизвици на кои треба да работиме идниот период

Ана Ололовска

(ВИДЕО) Шкријељ: Наша најважна цел е да ја искорениме детската сиромаштија, да обезбедиме еднаква шанса за секое дете

Ана Ололовска

СДСМ: Како ќе се наближува денот на изборите, така ВМРО-ДПМНЕ ќе ја зголемуваат продукцијата на лажни вести

Ана Ололовска

(ВИДЕО) Агенда Социјална заштита 20-24: Општините ги приклучуваме во системот за социјални услуги

Ана Ололовска

(ВИДЕО) Царовска: Повеќе од 300.000 граѓани сега земаат плата повисока од 18.000 денари

Ана Ололовска

(ВИДЕО) Салихи: СДСМ ги зголемува можностите за вработување на младите, донесен Законот за младински додаток

Ана Ололовска