Петти ден молк во Просветниот инспекторат по скандалот што се случи во училиштата во општина Аеродром, кадешто на деца и ученици им беа поделени анкети со прашања за работата на градоначалникот на ВМРО-ДПМНЕ, реагира СДСМ.
„И народниот правобранител ја осуди постапката и инволвирањето на децата во општинските анкети и нивна злоупотреба за политичко агитирање, а Просветниот инспекторат се уште молчи. Просветниот инспекторат мора да реагира и секој што го прекршил законот да сноси одговорност. Анкетата којашто беше разделена во училиштата во општина Аеродром е недозволива партизација на образовните институции и злоупотреба на децата од страна на ВМРО-ДПМНЕ. Зошто Просветниот инспекторат се уште не се изјаснува по скандалот со анкетата во училиштата во општина Аеродром?“, прашува СДСМ.