„Во недостиг на реализирани проекти, со цел да ја покриете вашата безидејност и криминалот на кој моментално патрон е ДПМНЕ, продолжувате со валкани и црни сценарија. Дувлото на режимот, скривалиштето на криминалците кои ги раскрчмуваат народните пари е жолтата куќа на ДПМНЕ“, велат од СДСМ Прилеп, на реакцијата на ВМРО-ДПМНЕ.
Токму таму, стои во реакцијата, е изворот на диктатурата од каде доаѓаат наредбите за пари да се тепа сопствен народ, да се хушка брат против брат, само за фунционерите на ДПМНЕ да имаат прилика за луксузирање и трошење на пари од народот.
„Народот се освести! Народот тргна и запирање нема! Тендерашите ќе паднат! Режимот ќе биде скршен! Отпорот ќе продолжи! Слободата и демократијата повтортно ќе ги вратиме во државата! Македонија над се!“, завршува реакцијата.